"Liverpul"ning yangi futbolchisi Dominik Soboslai jamoadoshi, hujumchi Muhammad Saloh haqida o‘z fikrlari bilan o‘rtoqlashdi.
“Men Muhammad bilan tez-tez muloqot qilaman, uning dunyo haqidagi qarashlari bilan qiziqaman. U 28 yoshgacha meditasiya qilishni boshlamaganini aytdi. Shundan keyin u non va makaron yemaslikka qaror qildi. Saloh spirtli ichimlik ichmaydi. Tushda mashg‘ulot o‘tkazadigan bo‘lsak, u hammadan oldin sport zaliga keladi", - dedi vengriyalik futbolchi.
Angliya Premyer-ligasining joriy mavsumida Saloh 11 ta o‘yin o‘tkazib, 8 ta gol va 4 ta golli uzatmani amalga oshirdi.
