"Manchester Yunayted" "Atalanta" markaziy himoyachisi Jorjio Skalviniga ko‘z tikdi. Italiyaning Tuttosport nashri xabariga ko‘ra, "qizil iblislar" yosh iqtidorni qo‘lga kiritishga jiddiy qiziqish bildirmoqda.
Qayd etilishicha, yozda 75 million yevro evaziga "Old Trafford"ga ko‘chib o‘tgan Rasmus Xoylundning kelishuvidan so‘ng "Manchester Yunayted" va "Atalanta" o‘rtasida hozir yaxshi munosabatlar mavjud. Bu kelishuv "Manchester Yunayted"ga Skalvinining transferini yakunlashda yordam berishi mumkin.
Eslatib o‘tamiz, Jorjioga avvalroq Italiyaning ko‘plab top-klublari qiziqish bildirgan. Joriy mavsumda Skalvini Italiya chempionatida 11 ta o‘yin o‘tkazdi.
