Kolumbiya armiyasi rasmiylari "Liverpul" hujumchisi Luis Diasning otasini "yaqin bir necha soat ichida" ozod qilish rejasini ishlab chiqqanini aytishdi.

"Liverpul" hujumchisining ota-onasini to‘qqiz kun avval o‘zlari tug‘ilgan Kolumbiyada motosiklda o‘tirgan qurolli shaxslar o‘g‘irlab ketishgan. Diasning onasi Silenis Marulanda bir necha soatdan keyin qo‘yib yuborildi, biroq katta Diasni qidirish 200 dan ortiq polisiya va harbiy xizmatchilar ishtirokidagi keng ko‘lamli qidiruv-qutqaruv operasiyasi doirasida davom etdi.

Kolumbiya Qurolli Kuchlarining "Tvitter"dagi rasmiy sahifasida yangi post paydo bo‘ldi: "Ushbu harbiy manyovr tufayli u yaqin bir necha soat ichida o‘z erkinligini tiklashi uchun barcha kafolatlar va shart-sharoitlar ta’minlangan.

U o‘g‘irlab ketilgan paytdan to hozirgi kungacha Milliy ozodlik armiyasi janob Luis Manuelning jismoniy yaxlitligi uchun faqat javobgar bo‘lib kelgan. Kolumbiya Qurolli Kuchlarining vazifasi har doim katta Luis Dias va barcha kolumbiyaliklarning hayoti va erkinligini himoya qilish bo‘lgan.