Angliyaning “Manchester Siti” klubi Shveysariyaning “Yang Boyz” klubi darvozasiga 3 ta gol urdi va to‘rt turdan so‘ng Chempionlar ligasining pley-off bosqichiga yo‘llanmani qo‘lga kiritdi. Klub ustozi, kataloniyalik mutaxassis Pep Gvardiola bu holatdan mamnun, chunki "Manchester Siti" ketma-ket o‘n birinchi marta Yevropaning eng nufuzli klub futbol turniri pley-offida o‘ynaydi.
- Albatta, guruh bosqichi yakunlanishiga ikki tur qolganida ple-offdan juda xursandmiz. Lekin biz birinchi navbatda guruhni tugatishimiz kerak. Hamma narsa haqida o‘ylash uchun vaqt bor. Yillar davomida shakllangan jamoamizning asosiy sifati barqarorlikdir. Bizda yuqori standartlar bor va shuning uchun ham biz chempionatda ham, Chempionlar ligasida ham birinchi o‘rinlar uchun kurashamiz", - deya Gvardiolaning so‘zlarini keltiradi BBC Sport.
