“Roma” bosh murabbiyi Joze Mourinyo Yevropa ligasi doirasidagi “Slaviya Praga”ga qarshi o‘yin oldidan o‘z kayfiyati haqida gapirdi.

Ikki hafta oldin rimliklar o‘z maydonida chexiyalik raqiblarini 2:0 hisobida mag‘lub etgandi. 9 noyabr kuni jamoalar Pragada to‘qnash kelishadi.

“Keyingi o‘yin har doim hayotning asosiy uchrashuvidir. Bu mening qoidam va men professional faoliyatimning boshidanoq unga amal qilganman. Rimda biz ikkita tezkor gol urdik va o‘yinni nazorat qildik, ammo “Slaviya” kuchli raqib. Bu jamoada yaxshi o‘yinchilar bor va biz raqib murabbiyini ham alohida ta’kidlashimiz mumkin", - deya portugaliyalik mutaxassisning so‘zlarini keltiradi jurnalist Janluka di Marsio.