“Рома” бош мураббийи Жозе Моуриньо Европа лигаси доирасидаги “Славия Прага”га қарши ўйин олдидан ўз кайфияти ҳақида гапирди.
Икки ҳафта олдин римликлар ўз майдонида чехиялик рақибларини 2:0 ҳисобида мағлуб этганди. 9 ноябрь куни жамоалар Прагада тўқнаш келишади.
“Кейинги ўйин ҳар доим ҳаётнинг асосий учрашувидир. Бу менинг қоидам ва мен профессионал фаолиятимнинг бошиданоқ унга амал қилганман. Римда биз иккита тезкор гол урдик ва ўйинни назорат қилдик, аммо “Славия” кучли рақиб. Бу жамоада яхши ўйинчилар бор ва биз рақиб мураббийини ҳам алоҳида таъкидлашимиз мумкин", - дея португалиялик мутахассиснинг сўзларини келтиради журналист Жанлука ди Марцио.
