Madridning “Real” klubi bosh murabbiyi Karlo Anchelotti YECHL guruh bosqichi 4-turida “Braga” ustidan qozonilgan g‘alaba (3:0) haqida fikr bildirdi.

“Bu yaxshi chiqish edi. Biz penaltida qiyin vaziyatga tushib qolgandik, lekin Lunin ajoyib o‘ynadi. Vaziyatni qanday nazorat ostiga olganimizni, oldinga chiqib olganimizni ko‘rdim. Eng muhimi, butun maydon bo‘ylab ochiq futbol bo‘lganida, biz juda xavfli ko‘rindik.

Hisobni ochganingizda, hamma narsa osonroq bo‘ladi - bu sizni asabiylikdan saqlaydi. Ikkinchi bo‘limda bir nechta yaxshi himoyaviy o‘yin ko‘rsatib, barcha savollarni kun tartibidan olib tashlaganimiz ham menga yoqdi", - deya Anchelottidan iqtibos keltiradi UYEFA matbuot xizmati.