Мадриднинг “Реал” клуби бош мураббийи Карло Анчелотти ЕЧЛ гуруҳ босқичи 4-турида “Брага” устидан қозонилган ғалаба (3:0) ҳақида фикр билдирди.
“Бу яхши чиқиш эди. Биз пенальтида қийин вазиятга тушиб қолгандик, лекин Лунин ажойиб ўйнади. Вазиятни қандай назорат остига олганимизни, олдинга чиқиб олганимизни кўрдим. Энг муҳими, бутун майдон бўйлаб очиқ футбол бўлганида, биз жуда хавфли кўриндик.
Ҳисобни очганингизда, ҳамма нарса осонроқ бўлади - бу сизни асабийликдан сақлайди. Иккинчи бўлимда бир нечта яхши ҳимоявий ўйин кўрсатиб, барча саволларни кун тартибидан олиб ташлаганимиз ҳам менга ёқди", - дея Анчелоттидан иқтибос келтиради УЕФА матбуот хизмати.
