Chempionlar ligasi guruh bosqichining 4-tur uchrashuvida Angliyaning “Manchester Yunayted” jamoasi o‘yinni juda muvaffaqiyatli boshladi, tezda ikkita gol urdi, ammo keyin Markus Reshfordning chetlatilishi tufayli ozchilikda qoldi va yakunda “Manchester Yunayted” Daniyaning "Kopengagen" jamoasiga yutqazdi.
Ma’lum bo‘lishicha, bu "Manchester Yunayted"ning Chempionlar ligasidagi o‘yinlari tarixida birinchi marta ikki to‘p farqi bilan oldinda borayotganda mag‘lubiyatga uchragan.
Kengroq qaraydigan bo‘lsak, bu holat oxirgi marta 2014 yilning sentyabr oyida Angliya chempionatida sodir bo‘lgan edi, o‘shanda jamoa o‘yin davomida ikki to‘p farqi bilan oldinda bo‘lgan bo‘lsada, yakunda "Lester"ga 3:5 hisobida mag‘lub bo‘lgandi.
