Чемпионлар лигаси гуруҳ босқичининг 4-тур учрашувида Англиянинг “Манчестер Юнайтед” жамоаси ўйинни жуда муваффақиятли бошлади, тезда иккита гол урди, аммо кейин Маркус Рэшфорднинг четлатилиши туфайли озчиликда қолди ва якунда “Манчестер Юнайтед” Даниянинг "Копенгаген" жамоасига ютқазди.
Маълум бўлишича, бу "Манчестер Юнайтед"нинг Чемпионлар лигасидаги ўйинлари тарихида биринчи марта икки тўп фарқи билан олдинда бораётганда мағлубиятга учраган.
Кенгроқ қарайдиган бўлсак, бу ҳолат охирги марта 2014 йилнинг сентябрь ойида Англия чемпионатида содир бўлган эди, ўшанда жамоа ўйин давомида икки тўп фарқи билан олдинда бўлган бўлсада, якунда "Лестер"га 3:5 ҳисобида мағлуб бўлганди.
