"Real" hujumchisi Rodrigo Chempionlar ligasi doirasida "Braga"ga qarshi o‘yinda (3:0) g‘alaba qozonganidan so‘ng o‘z taassurotlari bilan o‘rtoqlashdi.
Braziliyalik futbolchi gol urdi va golli uzatmani amalga oshirdi, shuningdek, o‘yinning eng yaxshi o‘yinchisi uchun UYEFAdan mukofot oldi. “Real” turnirning pley-off bosqichida ishtirok etishini kafolatladi.
"Ajoyib o‘yin. Gol urganimdan xursandman, lekin meni eng quvontiradigan jihati 1/8 finalga erta chiqqanimiz.
Murabbiyga alohida rahmat aytmoqchiman. Biz eng yaxshi holatda bo‘lmaganimizda bizga g‘amxo‘rlik qiladigan odamlarni qadrlashimiz kerak. Qiyin kunlarni boshimdan o‘tkazdim, lekin murabbiy doim yonida bo‘ldi, to‘g‘ri so‘zlar bilan dalda berdi. Mening vazifam gol urish va men uchun qilgan barcha ishlari uchun unga minnatdorchilik bildirish edi", - dedi Rodrigo "Real" rasmiy saytiga.