Shaxsiy fikrimcha, O‘zbekiston futbol assosiasiyasi Turkmaniston bilan o‘yinni neytral maydonga ko‘chirish masalasini OFKda ko‘tarib chiqishi kerak.

Terma jamoa o‘ynaydigan maydon  bu maydon emas, shunchaki sun’iy o‘t yotqizilgan o‘nqir-cho‘nqir. Sun’iy maydonda o‘ynaganlar o‘tning tagida qora kichkina granulalar bo‘lishini biladi. U maydonda o‘sha granula ham deyarli yo‘q. Uning ustiga maydon har xil chuqurlardan iborat.

Qo‘shimchasiga stadionda VVIP loja muammosi bor. VVIP loja bor, lekin u yerda eng katta rahbardan boshqa hech kim qo‘yilmaydi. Ya’ni, shu vaqtgacha u yerga hech kim qo‘yilmagan, bundan keyin ham qo‘yilmasa kerak. Doim yopiq. Oddiy lojani VVIP deb nomlab qo‘yishgan va yerda olomon bilan qo‘shilib o‘tiraveriladi. Na kutib olish, na kuzatib qo‘yish, na boshqa qulayliklar bor.

OFK bu stadionni qanday qabul qilgani haligacha menga tushunarsiz bo‘lib tuyulyapti.

Taxminimcha, Turkmaniston terma jamoasining asosiy quroli bu maydon bo‘ladi.

Ravshan Salimov