"Liverpul" bosh murabbiyi Yurgen Klopp Luis Diasning otasining o‘g‘irlab ketilishi bilan bog‘liq vaziyat haqidagi yangilangan ma’lumotlari bilan o‘rtoqlashdi.
Nemis murabbiyi hech qanday o‘zgarishlar yo‘qligini tan oldi, ammo forvard keyingi o‘yinda ishtirok etishga tayyor.
"Bizda hozir hech qanday yangilik yo‘q. Dias o‘tgan hafta Kolumbiyaga bormaslikka qaror qildi, shuning uchun u hozir biz bilan. U jamoa ixtiyorida bo‘lishni istaydi va o‘yinlarda qatnashishi mumkin", - dedi Klopp.
Payshanba kuni “Liverpul” Yevropa ligasi doirasida Fransiyaning “Tuluza” jamoasiga qarshi o‘yin o‘tkazadi. Uchrashuv Toshkent vaqti bilan 22:45 da boshlanishi rejalashtirilgan.
