Turinning "Yuventus" klubi "Manchester Siti" yarim himoyachisi Kelvin Fillipsni o‘z safiga qo‘shib olishga kirishdi. La Gazzetta dello Sport nashri xabariga ko‘ra, "keksa sinyora" futbolchining agenti va "Manchester Siti" rahbariyati bilan muzokara olib borgan.
Manbaga ko‘ra, "Yuventus" Fillipsga ham, "Manchester Siti" rahbariyatiga ham mos keladigan olti oylik ijaraga qiziqmoqda.
Eslatib o‘tamiz, Fillips 2022 yilning yozida "Etihad"ga o‘tganidan keyin barqaror o‘yin amaliyotiga ega bo‘lmayapti. Kelvin Angliyaning asosiy tarkibiga qaytish uchun Yevropa chempionati oldidan klubni tark etmoqchi.
