Angliyaning “Byornli” klubi hujumchisi Layl Foster ruhiy muammolar tufayli faoliyatini to‘xtatishga qaror qildi.

Klub 23 yoshli Foster allaqachon kerakli davolanishdan o‘tayotganini tasdiqladi. Janubiy afrikalik hujumchi noma’lum "kasallik" sabab "Byornli"ning so‘nggi uchta o‘yinini o‘tkazib yubordi.

Angliya Professional Futbolchilar Assosiasiyasi ma’lumotlariga ko‘ra, o‘yinchilarning 75 foizi u yoki bu vaqtda qandaydir ruhiy muammolarga duch kelgan.

Layl Foster joriy mavsumda “Byornli” safida 8 ta o‘yin o‘tkazib, 3 ta gol urdi va 2 ta golli uzatmani amalga oshirdi.