FIFA yoshlar o‘rtasidagi jahon chempionati o‘yinlariga Falastin bayroqlarini olib kirishga ruxsat berdi.

JCH-2023 (U-17) 10 noyabrdan 2 dekabrga qadar Indoneziyada bo‘lib o‘tadi. Muxlislar stadionlarga Falastin bayroqlarini olib kirishlari va namoyish qilishlari mumkin.

FIFA qarorini Indoneziya futbol assosiasiyasi rahbari Erik Tohir ma’lum qildi.

«FIFA so‘z erkinligi hamda inson huquqlari va insoniyat himoyasini qadrlaydi. Bunga misol qilib, Falastin bayrog‘ining ko‘tarilishini keltirish mumkin.

Shuning uchun sanksiyalar u yoqda tursin, hech qanday taqiqlar yo‘qligini ta’kidlaymiz», — dedi Tohir.

Uning ta’kidlashicha, bu masala boshqa mamlakatlar uyushmalari bilan kelishilgan.