ФИФА ёшлар ўртасидаги жаҳон чемпионати ўйинларига Фаластин байроқларини олиб киришга рухсат берди.
ЖЧ-2023 (U-17) 10 ноябрдан 2 декабрга қадар Индонезияда бўлиб ўтади. Мухлислар стадионларга Фаластин байроқларини олиб киришлари ва намойиш қилишлари мумкин.
ФИФА қарорини Индонезия футбол ассоциацияси раҳбари Эрик Тоҳир маълум қилди.
«ФИФА сўз эркинлиги ҳамда инсон ҳуқуқлари ва инсоният ҳимоясини қадрлайди. Бунга мисол қилиб, Фаластин байроғининг кўтарилишини келтириш мумкин.
Шунинг учун санкциялар у ёқда турсин, ҳеч қандай тақиқлар йўқлигини таъкидлаймиз», — деди Тоҳир.
Унинг таъкидлашича, бу масала бошқа мамлакатлар уюшмалари билан келишилган.
