«Chelsi» bosh murabbiyi Maurisio Pochettino «Manchester Siti»ga qarshi APLning 12-tur uchrashuvi oldidan raqib haqida o‘z fikrlari bilan o‘rtoqlashdi.
Argentinalik mutaxassis «shaharliklar»ni Yevropaning eng yaxshi jamoasi deb atadi va «ko‘klar» bo‘lajak uchrashuvda g‘alaba qozonishni kutishayotganini ta’kidladi. Pochettino 11-turda «Tottenxem»ga qarshi o‘yinda (4:1) «Chelsi» eng kuchli klublarga dosh bera olish qobiliyatini ko‘rsatganini ta’kidladi.
«Siti» Yevropaning eng yaxshi jamoasi, murabbiylar shtabi ancha kuchli. Bu juda qiyin bahs bo‘ladi. Lekin biz uch ochko olishni istaymiz. Biz o‘zimizda xarakter borligini isbotlashimiz kerak», - dedi Pochettino matbuot anjumanida.
