«Челси» бош мураббийи Маурисио Почеттино «Манчестер Сити»га қарши АПЛнинг 12-тур учрашуви олдидан рақиб ҳақида ўз фикрлари билан ўртоқлашди.
Аргентиналик мутахассис «шаҳарликлар»ни Европанинг энг яхши жамоаси деб атади ва «кўклар» бўлажак учрашувда ғалаба қозонишни кутишаётганини таъкидлади. Почеттино 11-турда «Тоттенхэм»га қарши ўйинда (4:1) «Челси» энг кучли клубларга дош бера олиш қобилиятини кўрсатганини таъкидлади.
«Сити» Европанинг энг яхши жамоаси, мураббийлар штаби анча кучли. Бу жуда қийин баҳс бўлади. Лекин биз уч очко олишни истаймиз. Биз ўзимизда характер борлигини исботлашимиз керак», - деди Почеттино матбуот анжуманида.
