Braziliyaning “Flamengo” klubi “Oltin to‘p” sohibi Lionel Messi to‘p tepadigan “Inter Mayami” klubi bilan o‘rtoqlik uchrashuvi o‘tkazishga rozi bo‘ldi. Bu taxminan o‘n kun davom etadigan Amerika Qo‘shma Shtatlaridagi "Flamengo" yig‘inida sodir bo‘ladi.
Bo‘lajak o‘yin sanasi hali belgilanmagan, ammo uni o‘tkazish bo‘yicha prinsipial kelishuvga erishilgan. Katta ehtimol bilan bu oyning ikkinchi yarmida sodir bo‘ladi. Shuningdek, AQSHdagi yig‘in davomida “Flamengo” yana ikkita o‘rtoqlik o‘yini rejalashtirilgan - Argentinaning “River Pleyt” va Kolumbiyaning “Atletiko Nasyonal” klublari bilan o‘yinlar.
