Leverkuzenning "Bayer" klubi yarim himoyachi Florian Virsni sotishdan katta pul ishlab olmoqchi.
20 yoshli futbolchiga Yevropa futbolining ko‘plab gigantlari, jumladan, "Bavariya", "Manchester Siti", "Liverpul", "Barselona", "Chelsi" va boshqa ko‘plab klublar qiziqish bildirmoqda. CaughtOffside xabariga ko‘ra, agar xaridorlar kamida 120 million yevro taklif qilsalar, "aptekachilar" kelasi yozda o‘z yulduzini qo‘yib yuborishga tayyor bo‘ladi.
Florian Virs joriy mavsumda Xabi Alonso jamoasi safida 16 ta o‘yinda maydonga tushib, 6 ta gol va 9 ta golli uzatmaga mualliflik qilgan. Transfermarkt portali nemis futbolchisining narxini 85 million yevroga baholamoqda.