Леверкузеннинг "Байер" клуби ярим ҳимоячи Флориан Вирцни сотишдан катта пул ишлаб олмоқчи.

20 ёшли футболчига Европа футболининг кўплаб гигантлари, жумладан, "Бавария", "Манчестер Сити", "Ливерпуль", "Барселона", "Челси" ва бошқа кўплаб клублар қизиқиш билдирмоқда. CaughtOffside хабарига кўра, агар харидорлар камида 120 миллион евро таклиф қилсалар, "аптекачилар" келаси ёзда ўз юлдузини қўйиб юборишга тайёр бўлади.

Флориан Вирц жорий мавсумда Хаби Алонсо жамоаси сафида 16 та ўйинда майдонга тушиб, 6 та гол ва 9 та голли узатмага муаллифлик қилган. Transfermarkt портали немис футболчисининг нархини 85 миллион еврога баҳоламоқда.