"Barselona" bosh murabbiyi Xavi Ernandes yozda "Jirona"dan 3 million yevro evaziga qo‘shilgan yarim himoyachi Oriol Romeuning o‘yinidan mamnun.

AS nashri xabariga ko‘ra, "Barselona" Romeu o‘tgan yozda "Kamp Nou"ni erkin agent sifatida tark etgan Serxio Busketsning o‘rniga eng yaxshi nomzod deb hisoblaydi. Xavi, shuningdek, Romeuda yaxshi yetakchilik fazilatlarini ko‘rayotgani aytdi.

Joriy mavsumda Romeu Ispaniya chempionatida o‘n bir o‘yin o‘tkazib, bitta golli uzatmani amalga oshirdi. Oriol "Barselona" tarbiyalanuvchisi, ammo 2011 yildan 2023 yilgacha u boshqa jamoalarda o‘ynagan.