"Manchester Siti"ga qarshi o‘yinda final hushtagi yangraganidan keyin "Chelsi" bosh murabbiyi Maurisio Pochettino bosh hakamga shikoyat qilish uchun maydonga yugurdi. Argentinalik murabbiy o‘z xatti-harakati uchun tezda uzr so‘radi va chegaradan o‘tib ketganini tan oldi. Daily Mail o‘z sahifalarida yozganidek, Pochettino qo‘shimcha jazo olmaydi.
Eslatib o‘tamiz, “Chelsi” va “Manchester Siti” 4:4 hisobida durang o‘ynagandi. Ayni vaqtda londonliklar Angliya chempionati turnir jadvalida 10-o‘rinda bormoqda.
"Chelsi" Premyer-ligadagi navbatdagi o‘yinini 25 noyabr kuni safarda "Nyukasl"ga qarshi o‘tkazadi.
