"Манчестер Сити"га қарши ўйинда финал ҳуштаги янграганидан кейин "Челси" бош мураббийи Маурисио Почеттино бош ҳакамга шикоят қилиш учун майдонга югурди. Аргентиналик мураббий ўз хатти-ҳаракати учун тезда узр сўради ва чегарадан ўтиб кетганини тан олди. Daily Mail ўз саҳифаларида ёзганидек, Почеттино қўшимча жазо олмайди.
Эслатиб ўтамиз, “Челси” ва “Манчестер Сити” 4:4 ҳисобида дуранг ўйнаганди. Айни вақтда лондонликлар Англия чемпионати турнир жадвалида 10-ўринда бормоқда.
"Челси" Премьер-лигадаги навбатдаги ўйинини 25 ноябр куни сафарда "Ньюкасл"га қарши ўтказади.
