"Napoli" hujumchisi Viktor Osimxen "Al-Hilol"ga rad javob bergani haqida gapirdi.
Nigeriyalik futbolchining so‘zlariga ko‘ra, Saudiya klubi unga moliyaviy tomondan juda foydali taklif bilan chiqqan, biroq uning o‘zi Italiyada qolishni afzal ko‘rgan.
“Bu aqldan ozgan taklif edi... Qanchalik ko‘p yo‘q desam, ular moliyaviy takliflarini qayta-qayta oshirib yuborishdi! Bu mening hayotimni o‘zgartirishi mumkin edi, lekin men aytdim: "Yo‘q, bolalar. Men qolaman", - dedi Osimxen.
Joriy mavsumda 24 yoshli Osimxen “Napoli” safida 10 ta o‘yinda maydonga tushib, 6 ta gol urdi va bitta golli uzatmani amalga oshirdi. Transfermarkt portali Nigeriya terma jamoasi futbolchisini 120 million yevroga baholamoqda.
