"Наполи" ҳужумчиси Виктор Осимхен "Ал-Ҳилол"га рад жавоб бергани ҳақида гапирди.
Нигериялик футболчининг сўзларига кўра, Саудия клуби унга молиявий томондан жуда фойдали таклиф билан чиққан, бироқ унинг ўзи Италияда қолишни афзал кўрган.
“Бу ақлдан озган таклиф эди... Қанчалик кўп йўқ десам, улар молиявий таклифларини қайта-қайта ошириб юборишди! Бу менинг ҳаётимни ўзгартириши мумкин эди, лекин мен айтдим: "Йўқ, болалар. Мен қоламан", - деди Осимхен.
Жорий мавсумда 24 ёшли Осимхен “Наполи” сафида 10 та ўйинда майдонга тушиб, 6 та гол урди ва битта голли узатмани амалга оширди. Transfermarkt портали Нигерия терма жамоаси футболчисини 120 миллион еврога баҳоламоқда.
