"RB Leypsig"ning shvesiyalik yarim himoyachisi Emil Forsberg nemis klubidagi 8 yillik faoliyatidan so‘ng "buqalar"ni tark etishga qaror qildi.
Bild xabariga ko‘ra, Shvesiya terma jamoasi futbolchisi Amerikaga ko‘chib o‘tishga va "RB Leypsig"ning qardosh jamoasi "Nyu-York Red Bullz"ga o‘tishga qaror qilgan. Qayd etilishicha, Emil professional faoliyatini yakunlaganidan so‘ng tuzilmalardagi o‘rnini saqlab qolish imkoniyatini istisno etmasdan, uzoq muddatli shartnoma imzolaydi.
Emil Forsbergning "RB Leypsig" bilan shartnomasi 2025 yilgacha mo‘ljallangan. Joriy mavsumda 15 ta o‘yinda shved 2 ta gol urishga erishdi.
