"РБ Лейпциг"нинг швециялик ярим ҳимоячиси Эмиль Форсберг немис клубидаги 8 йиллик фаолиятидан сўнг "буқалар"ни тарк этишга қарор қилди.

Bild хабарига кўра, Швеция терма жамоаси футболчиси Америкага кўчиб ўтишга ва "РБ Лейпциг"нинг қардош жамоаси "Нью-Йорк Ред Буллз"га ўтишга қарор қилган. Қайд этилишича, Эмиль профессионал фаолиятини якунлаганидан сўнг тузилмалардаги ўрнини сақлаб қолиш имкониятини истисно этмасдан, узоқ муддатли шартнома имзолайди.

Эмиль Форсбергнинг "РБ Лейпциг" билан шартномаси 2025 йилгача мўлжалланган. Жорий мавсумда 15 та ўйинда швед 2 та гол уришга эришди.