«Barselona» sport direktori Mateu Alemani bir necha haftalik uchrashuv va muzokaralardan so‘ng «Atletiko Madrid»ga o‘tishni rad etdi.

Relevo xabariga ko‘ra, Alemeni Madrid klubida sport masalalarida o‘zi xohlaganchalik ta’sir o‘tkaza olmasligini tushunib, shunday qarorga kelgan.

Gap shundaki, «matraschilar» jamoasining hozirgi sport direktori Andrea Berta o‘z lavozimini tark etmaydi. Shunday qilib, Alemani u yerda faqat sport blokiga kirishi mumkin edi va yetakchi bo‘la olmasligini tushundi. 

Hozirda «Atletiko» Ispaniya chempionati turnir jadvalida to‘rtinchi o‘rinda bormoqda.