«Барселона» спорт директори Матеу Алемани бир неча ҳафталик учрашув ва музокаралардан сўнг «Атлетико Мадрид»га ўтишни рад этди.
Relevo хабарига кўра, Алемени Мадрид клубида спорт масалаларида ўзи хоҳлаганчалик таъсир ўтказа олмаслигини тушуниб, шундай қарорга келган.
Гап шундаки, «матрасчилар» жамоасининг ҳозирги спорт директори Андреа Берта ўз лавозимини тарк этмайди. Шундай қилиб, Алемани у ерда фақат спорт блокига кириши мумкин эди ва етакчи бўла олмаслигини тушунди.
Ҳозирда «Атлетико» Испания чемпионати турнир жадвалида тўртинчи ўринда бормоқда.
