O‘zbekiston terma jamoasining Turkmanistonga kirish tartibi bir nechta bosqichni o‘z ichiga oladi:

1. Delegasiyaning har bir vakili Ashxobod aeroportida koronavirusga PSR-test topshiradi;

2. PSR-test topshirilgach, delegasiyaning har bir vakili uchun 31 AQSH dollaridan to‘lov amalga oshiriladi;

3. Kirish vizasini olish uchun pasport va Turkmanistonga kirish uchun taklifnoma taqdim etiladi va viza to‘lovini amalga oshirish uchun kvitansiya olinadi;

4. O‘zbekiston fuqarolariga kirish vizasi uchun 105 AQSH dollaridan to‘lov amalga oshirilgach, kirish vizasi qo‘yilgan pasport qaytarib beriladi.

Navbatda turishni qo‘shib hisoblaganda, bularning barchasi uchun 1,5-2 soat vaqt ketadi.

Dunyoning deyarli barcha aeroportlarida amaliyotdan chiqarilgan PSR-test tartibi - Turkmaniston g‘aznasi uchun haligacha daromad manbai bo‘lib xizmat qilmoqda.