Ўзбекистон терма жамоасининг Туркманистонга кириш тартиби бир нечта босқични ўз ичига олади:

1. Делегациянинг ҳар бир вакили Ашхобод аэропортида коронавирусга ПЦР-тест топширади;

2. ПЦР-тест топширилгач, делегациянинг ҳар бир вакили учун 31 АҚШ долларидан тўлов амалга оширилади;

3. Кириш визасини олиш учун паспорт ва Туркманистонга кириш учун таклифнома тақдим этилади ва виза тўловини амалга ошириш учун квитанция олинади;

4. Ўзбекистон фуқароларига кириш визаси учун 105 АҚШ долларидан тўлов амалга оширилгач, кириш визаси қўйилган паспорт қайтариб берилади.

Навбатда туришни қўшиб ҳисоблаганда, буларнинг барчаси учун 1,5-2 соат вақт кетади.

Дунёнинг деярли барча аэропортларида амалиётдан чиқарилган ПЦР-тест тартиби - Туркманистон ғазнаси учун ҳалигача даромад манбаи бўлиб хизмат қилмоқда.