Milliy jamoamizga qo‘shimcha uchta futbolchi chaqirilgani borasida ko‘pchilik izoh so‘rayapti.

Gresiya chempionati oxirgi o‘yinida Jaloliddin Masharipovning oyog‘iga zarba berilgandi. Terma jamoa tibbiy shtabi uning tiklanishiga bir necha kun vaqt berishga qaror qildi. Agar birinchi o‘yingacha ulgurmasa, Jasurbek Yaxshiboyev uning pozisiyasini yopishi mumkin bo‘lgan nomzod sifatida chaqirildi.

Umarbek Eshmurodov betobligi sabab Kubok finalida ham ishtirok etolmadi. Unga ham tiklanishi uchun biroz vaqt kerak. Alibek Davronov ushbu pozisiya vakili sifatida jalb etildi.

Valijon Rahimov darvozabonlar orasida yanada ko‘proq tanlov bo‘lishi maqsadida jamoaga qo‘shildi.

Yuqorida e’tirof etilgan sabab bilan mashg‘ulotlarda ishtirok etolmagan yetakchi futbolchilarimiz terma jamoa ixtiyorini tark etmagan holda tiklanish jarayonini o‘tashadi.

Davron Fayziyev.