"Chelsi" yarim himoyachisi Konor Gallaxer o‘z shartnomasidagi vaziyat haqida gapirdi.

23 yoshli angliyalik futbolchi Maurisio Pochettino qo‘l ostida muntazam asosiy tarkib futbolchisiga aylandi. Yarim himoyachining amaldagi kelishuvi bir yarim yildan keyin tugaydi, biroq yangi shartnoma borasida kelishuvga hali erishilgani yo‘q.

“Hamma biladiki, “Chelsi” mening klubim, men bu yerda o‘ynashni yaxshi ko‘raman. Muxlislarimiz ajoyib, ular meni xursand qilishadi. Ishonchim komilki, shartnoma borasida hammasi o‘z-o‘zidan hal bo‘ladi", - deya futbolchining so‘zlarini keltiradi The Guardian.

Konor Gallaxer joriy mavsumda “Chelsi” safida 15 ta o‘yinda maydonga tushib, 4 ta golga assistentlik qildi.