"Челси" ярим ҳимоячиси Конор Галлахер ўз шартномасидаги вазият ҳақида гапирди.
23 ёшли англиялик футболчи Маурисио Почеттино қўл остида мунтазам асосий таркиб футболчисига айланди. Ярим ҳимоячининг амалдаги келишуви бир ярим йилдан кейин тугайди, бироқ янги шартнома борасида келишувга ҳали эришилгани йўқ.
“Ҳамма биладики, “Челси” менинг клубим, мен бу ерда ўйнашни яхши кўраман. Мухлисларимиз ажойиб, улар мени хурсанд қилишади. Ишончим комилки, шартнома борасида ҳаммаси ўз-ўзидан ҳал бўлади", - дея футболчининг сўзларини келтиради The Guardian.
Конор Галлахер жорий мавсумда “Челси” сафида 15 та ўйинда майдонга тушиб, 4 та голга ассистентлик қилди.
