"Real" hujumchisi Xoselu Jerar Pikening so‘nggi bayonotiga izoh berdi.
"Barselona"ning sobiq himoyachisi "Real"ning 2021/22 yilgi Chempionlar Ligasidagi g‘alabasini hech kim eslamasligini aytdi, chunki bu uning fikricha tasodif edi.
"Bilmayman... Agar u o‘sha Chempionlar ligasini eslamasa, unda bu turnir haqida nimani eslaydi? – dedi Xoselu kulib. - Nega u shunday dedi? U "Barselona"dan, shuning uchun u shunchaki hasad qilsa kerak", - deya qo‘shimcha qildi forvard.
"Real Madrid" finalda "Liverpul"ni 1:0 hisobida mag‘lub etib, 2022 yilda 14 karra Chempionlar ligasi g‘olibiga aylandi. Hal qiluvchi o‘yingacha Karlo Anchelotti shogirdlari "Manchester Siti", "Chelsi" va "PSJ"ni mag‘lub etishdi.
