"Bavariya" sport direktori Kristofer Froynd OAV xabarlariga ko‘ra, "Real Madrid" sotib olmoqchi bo‘lgan himoyachi Alfonso Devisning kelajagi haqida gapirdi.
Sport funksioneri kanadalik bilan jamoaning global maqsadlari haqida gaplashganini va buni inobatga olganiga umid qilishini ta’kidladi.
“Biz Devis jamoa bilan uzoq vaqt qolishini istaymiz. Bu bizning muzokaralar mavzusidir", - deya Froyndning so‘zlaridan iqtibos keltiradi jurnalist Fabrisio Romano.
23 yoshli futbolchining myunxenliklar bilan shartnomasi 2025 yilning 30 iyuniga qadar amal qiladi. Transfermarkt portali uni 70 million yevroga baholamoqda.
