Madridning “Real” klubi yarim himoyachisi Federiko Valverde qanday qilib Londonning “Arsenal” klubiga o‘tishga yaqin qolganligi haqidagi xabarlar haqida gapirdi.
"Kanonirlar" urugvaylik futbolchini 2016 yilda qo‘lga kiritishga harakat qilishgan. Kelishuv amalga oshmadi va keyin yarim himoyachi "Real"ga o‘tdi.
"Internetda siz qanday qilib "Arsenal"ga deyarli o‘tganim haqida ma’lumot topishingiz mumkin. Menimcha, buni faqat yarim haqiqat deb atash mumkin. "Arsenal"ga qarshi hech narsam yo‘q, lekin men hech qachon Angliyaga o‘tishni xohlamaganman", - dedi Valverde.
