Hakamlarni o‘yinchilarning g‘azablangan reaksiyalaridan himoya qilish uchun futbol qoidalariga katta o‘zgartirishlar kiritilishi mumkin.

The Times xabariga ko‘ra, Xalqaro futbol assosiasiyasi kengashi hakamlar futbolchilarni ular bilan bahslashgani uchun 10 daqiqaga maxsus zonaga yuborishi mumkin bo‘lgan jarima maydonchasini joriy etish imkoniyatini ko‘rib chiqmoqda.

Qayd etilishicha, so‘nggi paytlarda hakamlar o‘yinchilarga bahslashgani uchun ko‘pincha sariq kartochkalar ko‘rsatishadi. Vaqtinchalik chetlatishlar allaqachon sinovdan o‘tgan va tajriba yaxshi natijalarni ko‘rsatdi.

Manba, shuningdek, hakamlar bilan faqat jamoa sardorlari muloqot qilishi mumkinligini aytadi.