Richard Arnold «Manchester Yunayted» bosh direktori lavozimini tark etishga qaror qildi. Bu haqda «qizil iblislar»ning rasmiy sayti xabar berdi. Arnold klubda 16 yil ishladi, ammo endi ketishga qaror qildi.
Hozirda klubning yuridika bo‘yicha bosh maslahatchisi bo‘lgan Patrik Styuart «Manchester Yunayted»ning vaqtinchalik bosh direktori bo‘ldi.
Dekabr oyi oxirigacha unga Richard Arnold yordam beradi. Shu bilan birga, «qizil iblislar» bu lavozimga yangi mutaxassis qidiradi.
«Manchester Yunayted» ayni damda Angliya chempionati turnir jadvalida oltinchi o‘rinni egallab turibdi.
