Mateush Nunesh jarohati sabab Portugaliya terma jamoasini tark etdi.
A Bola xabariga ko‘ra, "Manchester Siti" yarim himoyachisi seshanba kuni Portugaliya terma jamoasining mashg‘ulotida mushaklarida noqulaylik his qilgan.
Portugaliya futbol federasiyasi matbuot xizmati xabariga ko‘ra, tibbiy ko‘rik Nunesh bo‘lajak Yevro-2024 saralash bosqichi doirasidagi Lixtenshteyn (16 noyabr) va Islandiyaga (19 noyabr) qarshi o‘yinlarda ishtirok eta olmasligini ko‘rsatdi.
City Xtra xabariga ko‘ra, Nunesh "Manchester Siti" tarkibida jarohat olgan 7-o‘yinchi bo‘ldi. Ayni damda “shaharliklar” safida Natan Ake, Ederson, Mateo Kovachich, Jon Stounz, Serxio Gomes va Kevin De Bryuyne ham jarohat olgan.
