Rodrining fikricha, Erling Xoland 2023 yilda «Oltin to‘p»ga loyiq edi.
Yil yakunida «Oltin to‘p» sohibi Argentina terma jamoasi tarkibida JCH-2022da g‘olib chiqqan va turnirning eng yaxshi futbolchisi sifatida e’tirof etilgan Lionel Messi bo‘ldi. Xoland ovoz berish jarayonida 2-o‘rinni egalladi.
«Jahon chempionati – mavsumning eng muhim voqeasi, ammo mavsum 7-8 oy davom etsa, JCH bor-yo‘g‘i bir oy davom etishini ham unutmaslik kerak.
Bundan kelib chiqib aytadigan bo‘lsak, «Manchester Siti»dagi birinchi mavsumida gol urish bo‘yicha barcha rekordlarni yangilagan va hamma narsada g‘alaba qozongan yigit «Oltin to‘p» uchun asosiy da’vogar bo‘lishi kerak edi. Agar u g‘alaba qozonsa, xursand bo‘lardim, Afsuski, buni boshqalar hal qiladi», – dedi Rodri.
