«Real» yarim himoyachisi Federiko Valverde «Vilyarreal» yarim himoyachisi Aleks Baenaga qilgan hujum haqida gapirdi.
Futbolchilar o‘rtasidagi mojaro o‘tgan mavsumning 28-turida «Real» «Vilyarreal»ga mag‘lub bo‘lgan (2:3) o‘yinidan keyin yuzaga kelgandi.
Ma’lum bo‘lishicha, Baena o‘yin davomida Valverdega xotinining og‘ir ahvoldagi homiladorligi, bolasidan ayrilishi mumkinligi haqida qo‘pol so‘zlar aytgan.
Final hushtagi yangragandan keyin Valverde Baena bilan uchrashdi va uning yuziga musht tushirdi.
«Aprel oyida «Vilyarreal» bilan o‘yindan keyin hammasi unutildi. Hamma sarlavhalarni o‘qiydi va xulosa chiqaradi.
Hikoyaning ikki tomonini hamma biladi. Men bu dahshatli narsalarning yana paydo bo‘lishini xohlamayman.
Futbol maydonida menga xohlagan narsangizni ayta olasiz va bu meni xafa qilmaydi. Ammo o‘tib bo‘lmaydigan chegaralar mavjud. Futbolchi sifatida emas, shaxs sifatida.
Mening oilam haqida gapirsangiz, barchasi to‘xtataydi. O‘sha kuni ham chegara kesib o‘tdi. Men munosabat bildirishim kerakmidi? Ehtimol, yo‘q.
Ommaviy axborot vositalari meni zo‘ravon yigit sifatida ko‘rsatishi meni xafa qildi, ko‘p yolg‘on gapirildi. Lekin ochiqchasiga aytishim mumkinki, men hech narsadan afsuslanmayman, chunki bu meni shaxs sifatida yanada o‘sishimga va oilamizni har qachongidan ham birlashtirishga yordam berdi», - deya Valverdening so‘zlarini keltiradi The Player’s Tribune.
