"Chelsi" rahbariyatidagi hamma ham "Brentford" hujumchisi Ayvan Toni qishki transfer oynasida jamoani kuchaytirish uchun munosib nomzod deb hisoblamaydi. Bu haqda jurnalist Ben Jeykobs xabar bermoqda.

Manbaga ko‘ra, "Chelsi" 27 yoshli futbolchini mavsum o‘rtalarida qo‘lga kiritish zarurligiga ishonchi komil emas, ayniqsa, ingliz futbolchisi diskvalifikasiya tufayli joriy APLning birinchi qismini o‘tkazib yuboradi.

Oldinroq "Brentford" qishda o‘z futbolchisi uchun taxminan 115 million yevro talab qilishi haqida xabar berilgandi.

O‘tgan mavsumda Toni hozirgi jamoasi safida 35 ta o‘yinda maydonga tushib, 21 ta gol urdi va 5 ta golga assistentlik qildi. Transfermarkt portali angliyalik futbolchini 35 million yevroga baholamoqda.