"Челси" раҳбариятидаги ҳамма ҳам "Брентфорд" ҳужумчиси Айван Тони қишки трансфер ойнасида жамоани кучайтириш учун муносиб номзод деб ҳисобламайди. Бу ҳақда журналист Бен Жейкобс хабар бермоқда.
Манбага кўра, "Челси" 27 ёшли футболчини мавсум ўрталарида қўлга киритиш зарурлигига ишончи комил эмас, айниқса, инглиз футболчиси дисквалификация туфайли жорий АПЛнинг биринчи қисмини ўтказиб юборади.
Олдинроқ "Брентфорд" қишда ўз футболчиси учун тахминан 115 миллион евро талаб қилиши ҳақида хабар берилганди.
Ўтган мавсумда Тони ҳозирги жамоаси сафида 35 та ўйинда майдонга тушиб, 21 та гол урди ва 5 та голга ассистентлик қилди. Transfermarkt портали англиялик футболчини 35 миллион еврога баҳоламоқда.
