"Bayer" himoyachisi Alexandro Grimaldo faoliyatini qayerda davom ettirmoqchi ekanligi haqida gapirdi.
"Kelajakda men Ispaniyada o‘ynashni xohlayman, chunki bu ligada men doimo o‘ynashni va uyda o‘ynashni xohlayotganimni aytganman. Lekin ayni damda men Leverkuzenda juda baxtliman. Bu yerga kelganimga qisqa vaqt bo‘ldi va bundan ko‘proq zavq olmoqchiman", - dedi Grimaldo Kicker bilan suhbatda.
Grimaldo "Barselona" bitiruvchisi bo‘lib, U16 jamoasidan "Barselona B"ga qadar o‘ynagan.
28 yoshli futbolchi 2023 yilning iyul oyida erkin agent sifatida "Benfika"dan "Bayer"ga o‘tgan edi. Grimaldoning klub bilan shartnomasi 2027 yilning yoziga qadar mo‘ljallangan. Transfermarkt ispaniyalik futbolchini 25 million yevroga baholamoqda.
Joriy mavsumda Grimaldo 17 ta o‘yin o‘tkazib, 8 ta gol urdi va 6 ta golli uzatmani amalga oshirdi.
11 turdan keyin “Bayer” 31 ochko bilan Bundesligada birinchi o‘rinni egallab turibdi. "Bavariya" ikkinchi o‘rinda (29 ochko).
