«Tottenxem» yarim himoyachisi Iv Bisuma Anje Postekoglu jamoaga kelganidan keyin qanday qilib o‘ziga ishonchi ortganini aytib berdi.
Avstraliyalik murabbiy joriy mavsum boshlanishidan oldin «shporlar»ni boshqarishga kirishgandi.
Jamoa mavsumni ajoyib tarzda boshlab, Premyer-liga turnir jadvalida peshqadamlik qildi, ammo so‘nggi ikki o‘yindagi ikkita mag‘lubiyat londonliklarni to‘rtinchi o‘ringa tushirib yubordi.
«U mashg‘ulot oldidan men bilan gaplashadi, menga to‘liq ishonadi. Hozir mening muvaffaqiyatim faqat o‘zimga bog‘liq.
Nafaqat futbolni tushunadigan, balki futbolchilar bilan ham gaplashadigan murabbiy bilan ishlash juda yoqimli. Men bunga oldin muhtoj bo‘lganman», – dedi futbolchi.
