«Тоттенхэм» ярим ҳимоячиси Ив Бисума Анже Постекоглу жамоага келганидан кейин қандай қилиб ўзига ишончи ортганини айтиб берди.
Австралиялик мураббий жорий мавсум бошланишидан олдин «шпорлар»ни бошқаришга киришганди.
Жамоа мавсумни ажойиб тарзда бошлаб, Премьер-лига турнир жадвалида пешқадамлик қилди, аммо сўнгги икки ўйиндаги иккита мағлубият лондонликларни тўртинчи ўринга тушириб юборди.
«У машғулот олдидан мен билан гаплашади, менга тўлиқ ишонади. Ҳозир менинг муваффақиятим фақат ўзимга боғлиқ.
Нафақат футболни тушунадиган, балки футболчилар билан ҳам гаплашадиган мураббий билан ишлаш жуда ёқимли. Мен бунга олдин муҳтож бўлганман», – деди футболчи.
