«Betis» rahbariyati yarim himoyachi Isko Alarkon bilan shartnomani uzaytirishni rejalashtirmoqda.

Relevo xabariga ko‘ra, yangi shartnoma imzolanishiga joriy mavsumdagi to‘qqiz marta qo‘lga kiritilgan «Man of the match» sovrini, shuningdek, kiyinish xonasidagi namunali xatti-harakatlar sabab bo‘lgan. Tomonlar muzokaralarning ilg‘or bosqichida ekani xabar qilinmoqda.

«Umid qilamanki, u faoliyatining qolgan qismida «Betis»da qoladi, chunki u biz uchun muhim o‘yinchi, u juda muhim va kelajakda ham muhim bo‘ladi», - dedi klub prezidenti Anxel Aro.

Isko shu yilning iyul oyida «Betis»ga erkin agent sifatida kelib qo‘shilgandi. 31 yoshli futbolchi barcha musobaqalarda 17 ta o‘yinda maydonga tushib, 3 ta gol urdi va 3 ta golli uzatmani amalga oshirdi.